Salonggonisa (Brief)

Ano nga ba sa tagalog ang brief?

Sabi nila ang isa pang tagalog ng chair bukod sa upuan ay salong puwit.

Kaya sabi ng erpat ko ang tagalog daw sa brief ay "salonggonisa" o salo sa longganisa.
At ang tagalog naman daw sa panty ayon parin sa erpat ko ay "salungguhit".

May mga kalalakihan na walang ibang gustong isuot na brief kung hindi kulay puti, meron din naman na puro kulay itim at meron din naman na hindi na nagbe-brief.

Noong ako'y binatilyo pa, may mga termino kaming ginagamit patungkol sa brief,
Tulad halimbawa ng . . .

3 sam - brief na mumurahin, tatlong piraso sampung piso
Side A - normal na pagsusuot ng brief kapag bagong laba
Side B - baligtad na pagsusuot ng brief kapag marumi na ang Side A
Low waist - brief na lawlaw
Bacon - brief na nagkokorteng bacon na ang garter dahil sa kalumaan
Pamana - brief na namana lang sa kuya o sa tatay
Nogart - brief na de perdible, maluwag na ang garter

Bukod sa brief may mga ilan pang alternatibong isinusuot na panloob ang mga kalalakihan, gaya ng boxer shorts at karsunsilyo.

Pero alam nyo ba na may mga tribo sa Papua New Guinea at Indonesia kung saan ang mga kalalakihan ay gumagamit na mga pinatuyong gulay at halaman upang gawing pantakip sa kanilang mga ari-arian na tinatawag nilang "koteka".

Ang mga kalalakihan ay nagsusuot ng koteka na naaayon sa hitsura na suot ng kanilang mga katribu upang maging tanda ng pagkakakilanlan ng kanilang grupong kinabibilangan.

Sila ay nagsusuot nito dahil ikinukonsedera nilang sila'y hubad kung wala nito.

Ano sa tingin nyo...kung gumawa kaya ang Calvin Klein, Hanford o Carter ng brief na ganito ang yari, may bibili kaya?

At paano na kung si mang Pidol ang magsusuot ng ganito...

Dapat siguro ay sinlaki ng kalabasa o pakwan ng magkasya.

gamit na, gamit na!

Gamit na, gamit na!
Ang kotseng walang pahinga.

Gamit ko ang lumang kotse ng nanay ko na mahigit sampung taon niyang ginamit. . .

At kahit na sumasakit ang katawan ko sa pagliko at pagpihit ng manibela dahil hindi ito power steering,
pinagtitiyagaan ko.

Tinitiis ko at dinadaan na lamang sa ngiti ang mapahiya at mabingi sa nakakairitang busina ng aking mga kasunod kapag ka minamaneho ko ang lumang kotse dahil sa hirap na itong humatak,
lalu na't sa mga ahuning tulay at kalsada.

Dinadaan ko nalamang sa dasal ang pangambang nararamdaman, dahil baka ako masiraan sa daan kapag malayo ang aking pupuntahan.
Magku-krus bago umalis at bubulong ng sana ako'y makarating ng maayos sa aking paroroonan.

Pinagtitiyagan ko't pinagtitiisan at sinasamahan ng dasal.
Kahit na panay pangungutya at pintas ang inaabot ko sa
mga nakakakita
lalo na sa anak ng aking amo.

Ayaw kong kumuha ng bago
o modelong hulugan.

Dahil, ayaw kong magka utang
eto ngalang lumang kotse ng nanay ko ay hindi ko pa nababayaran.

Tiis lang,
ganyan talaga ang buhay.
Dapat maging kontento kung ano man ang meron ka
at ano man ang kaya mo.

Saka nalang kukuha ng bago, kapag ka
Naka ipon na ako...

biglang liko

Ang bilis talaga ng panahon.
Kaylan lang ay abala ang lahat dahil sa pasko at bagong taon, tapos ngayon February na.

Buwan ng Pag-ibig.

Buwan ng mga rosas at tsokolate.

Buwan kung kailan malakas ang kita ng may ari ng mga sinehan diba?

Buwan kung kaylan mas lalong pumapatok at nagiging tanyag ang mga pangalang Anito, Wise, Victoria at ilan pang mga kuwartong malamig at maraming salamin.

Na karaniwan ng kilala ng mga taxi driver sa tawag na "biglang liko".

Yung mga walang pera ay okay na sa mga madilim at liblib na lugar sa may Bagumbayan, QMC, Intramuros at kung saan-saan pa.

Mga parke na tinatawag naman ng ibang "biglang tago".

Ano nga kaya ang relasyon ng buwan ng Pebrero sa pagiging romantiko ng mga lalake, lalo na sa Pinas at marami ang mga kababaihan ang kanilang napapapayag upang mag syort taym?

O dahil lang sa nadadala din ang mga babae sa magneto o kasabihang nakatatak sa buwan ng Pebrero kung kaya't nagiging mapagbigay sila sa kung ano man ang hilingin ng mga romantiko nilang kapareha.

Baka naman napana o nagpapana kay Kupido?

Kahit saan man ninyo balakin,
Maging ito ma'y biglang liko, biglang tago o biglang upo.
sa first class, sa wa class,
o sa libreng lugar na madilim.

Ingat lang baka may nakatutok na kamera sa inyo,
mahirap ng maiskandalo.

At lagi ninyong iisipin ang responsibilidad at maaring mangyari pagkatapos ninyong mag... ano.

bulog

Nakakita naba kayo ng mamang may dalang barakong baboy, kung minsa'y tulak-tulak sa isang kariton o di kaya nama'y sakay sa isang pasadyang traysikel na may saydkar(sidecar) na kulungan, meron din naman na naglalakad lang at akay-akay ang kanilang barakong baboy na saksakan ng laki at ubod ng taba.

Umi-ikot sila sa mga baryo, sa mga probinsiya, naglalakad-lakad na parang naglalako

at sumisigaw ng. . .

B u u u u l l l o o o o g ! ! !
B u u u u l l l o o o o g, kayo dyan!
Baka gusto n'yong magpabulog?
Bulog?

Kaya pala karaniwan na nilang dala ay isang malaking bulugang baboy, dagdag atraksiyon, diba? Kasi kung sa kanila kayo magpapabulog o kung sa kanila ninyo palalahian ang inyong inahing baboy, edi ba malaki ang tsansang maging malaki din ang magiging lahi at hindi basta mababansot, dahil malaki ang naka kasta.

Diba ang sarap ng buhay ng damuhong pabulog na barakong baboy nayan?

Biruin mo, binabayaran sila para lang kumasta at magpadami ng lahi.
Sarap buhay.
At siyento porsiyentong, alagang-alaga pa sila ng kanilang amo,
sa pagkain. . . kailangan para tumaba pa sila ng husto at lumaki, pang akit sa mga customer.
at dapat laging malinis at bagong ligo.

Sa panahon natin ngayon, medyo "in" narin ang ganitong kalakaran sa mga tao.
Meron narin nagbabayad at nagpapabayad para magpabulog at maglahi.


Ano kaya ang feeling?

Kumikita kana,

Nasasarapan kapa.